خولی فریاگوزاریی سەرەتایی بەسەرکەوتوویی کۆتایی ھات

ئەمڕۆ یەکشەممە (٣٠/٧) لە لقی سلێمانی ڕێکخراوی زاد، بۆ دووەم ڕۆژ خولی فریاگوزاریی سەرەتایی لەلایەن پەرستار و ڕاهێنەری نێوەدەوڵەتی: پەیام دلێر پێشکەش کرا کە تایبەت بوو بە هەموو چین و توێژەکان، لەم خولەدا؛ فێرخوازان ئاشنا کران بە بنەما سەرەکییەکانی فریاگوزاریی سەرەتایی، بە شێوەیەکی تیۆری و بە کرداریش فریاگوزاریی سەرەتاییان لەسەر بوکەڵەی دەست کرد ئەنجام دا، خولەکە ئەم بابەتانەی لە خۆ گرتبوو: «فریاگوزاریی بووژاندنه‌وه‌ی دڵ و سییه‌كان، خوێنبه‌ربوون، ڕاهێنانی شێوازی پێچان، لوتپژان، شكان و له‌جێچوون، گه‌شكه‌، سووتان، ژه‌هراویبوون به‌ خواردن و خواردنه‌وه‌، پێوه‌دان و گه‌ستن، خنكان، هه‌ڵگرتن و گواستنه‌وه‌ی نه‌خۆش.»

لە کۆتایی خولەکەدا؛ فێرخوازان بڕوانامەی بەشداریکردنیان پێ بەخشرا.

#ڕێکخراوی_زاد_لقی_سلێمانی
space images hd free download